موقع ضيعتنا مرمريتا - Dai3tna Marmarita Web Site

المجلة I المنتدى I الصور1- الصور2 I الأغاني I الدردشة الصوتية I الترجمة I المواقع I دليل الهاتف I أرسل خبر

الأقسام

الإستفتاء

ï»؟

القائمة الرئيسية

· الصفحة الأولى
· أخبر صديق
· أرسل خبر
· المحتويات
· الأرشيف
· الأغاني
· المواضيع
· البحث
· الإستفتاءات
· Contact_us
· جميع اللغات
· حسابك الشخصي
· راسلنا
· Site_Marquee
· Translate

دليل مرمريتا

مقالات عشوائية

[ مرمريتا و الوادي ]

·	آه ... مرمريتا - مروان عمايري
·	منال سمعان وفرقة كورال قمح: «عندي حلم كبير» في ثقافي مرمريتا
·	دورات تقوية لطلاب الشهادة الاعدادية في منفذية الحصن بمرمريتا
·	«مــن هــون لبــكرا» في ثقــافي مرمريتـــا
·	(أطلق العبقري في طفلك) في ثقافي مرمريتا
·	سحر مــــرمــــريتا - بعدسة فراس هيثم زودة
·	ليل مرمريتا الساحر ـــ بعدسة: مازن سليم (اسحق)
·	حبيب حبيب - بقلم جوني الشبروني
·	مخبر الدكتور باسل بيطار للتحاليل الطبية

الترجمة

نص الترجمة :

مواقع صديقة

دعم الموقع

بحياتك عالضيعة عود - كمال صباغ

بحياتك عالضيعة عود

ياهاجرنا تركت الدار
تركت الحرقة بمهجتنا

تاتعرف فينا شو صار
إفتح موقع ضيعتنا

يلّي قطعتو السبع بحور
طوّلتو الغيبة عَنّا

انشالله هالدولاب يدور
ونرجع نتلاقى عنا

ضْوَينا شموع ندَرنا ندور
للعدرا وماريحنا

الكنيسة يومية نزور
مش عم نطفي شمعتنا

يازارع فينا الآهات
بحياتك عالضيعة عود

تعوّدنا بكل الأوقات
نشوفك بالضيعة موجود

الماضي تذكّر والقعدات
الـ فيها كاس ودف وعود

هدْيِت بالبحر الموجات
ومش عم تهدا دمعتنا

هدية من الأخ كمال صباغ للمغتربين
وزوار ضيعتنا

أرسل يوم الخميس 07 فبراير 2008 بواسطة dai3tna

دخول

هل ترغب بالتسجيل؟
هل فقدت كلمة المرور؟

روابط ذات صلة

· زيادة حول إهداءات و تهاني
· الأخبار بواسطة dai3tna

أكثر مقال قراءة عن إهداءات و تهاني:
هاني معطي و النصف الآخر..

خيارات

صفحة للطباعة

المواضيع المرتبطة

"بحياتك عالضيعة عود - كمال صباغ" | دخول/تسجيل عضو | 11 تعليقات | البحث في النقاشات

التعليقات مملوكة لأصحابها. نحن غير مسؤلون عن محتواها.

التعليق غير مسموح للضيوف, الرجاء التسجيل

Re: بحياتك عالضيعة عود - كمال صباغ (التقييم: 1)
بواسطة shaza في الخميس 07 فبراير 2008
(معلومات المستخدم )

الصراحة يا استاذ كمال يعني لو ما امنعرف انك كل عمرك بالضيعة وما طلعت منها منقول اكييد يلي كاتب هل كلمات اكييد متغرب الو مدري كام سنة من كتر مو احساسك صادق فيها
بصراحة بكيتني لما قريتا
حلوة حلوة لتشبع يا استاذ كمال
الصراحة الصراحة هي لازم تتلحن وتتغنى بصوت الرائعة خيتك اعتدال
لحتى صوتها يكلل هل مشاعر الحلوة يلي ترجمتها انت بهل كلمات الرائعة
اشكرك من الصميم على ابداعك الرائع

شذا نهري من المارتنيك

Re: بحياتك عالضيعة عود - كمال صباغ (التقييم: 1)
بواسطة eatedal في الخميس 07 فبراير 2008
(معلومات المستخدم )

ياخالي شعرك حبّيت
وكلماتك ها لموزونة
دمعاتي من أول بيت
نزلت دغري من عيوني

آهات الغربة ودّيت
عبّت كل المسكونة
الله يحمي المغتربين
بجاه العدرا الحنونة
يسلم تمك ياخالي عالزجل الحلو ناطرين الباقي

ابن أختك مجد طنوس مرمريتا

Re: بحياتك عالضيعة عود - كمال صباغ (التقييم: 1)
بواسطة rosesalameh في الخميس 07 فبراير 2008
(معلومات المستخدم )

يسلم هالتم يا استاذ كمال صباغ ... حقيقي احساس صادق ومرهف

ومكلل بالمحبة العارمة اللي تعودنا عليها بضيعتنا مرمريتا وبموقع ضيعتنا

شكرا الك ولقلبك الكبير اللي وصل للمغتربين كمان

روز نخلة

Re: بحياتك عالضيعة عود - كمال صباغ (التقييم: 1)
بواسطة doured في الخميس 07 فبراير 2008
(معلومات المستخدم )

الأخ والصديق كمال ابراهيم صباغ الغالي : القلب يعتصر شوقا لكم ولكل الشباب الطيبين ولضيعتنا مرمريتا 0 شكرا لك من القلب على هذه الكلمات الصادقة والمعبرة والى لقاء قريب 00

Re: بحياتك عالضيعة عود - كمال صباغ (التقييم: 1)
بواسطة atef في الجمعة 08 فبراير 2008
(معلومات المستخدم )

يا ويل ام العالم يا هو
ايشو هاد هاد خييو كممولي الغالي
اه يا كمال جمبلاط الغالي
اهلا سهلا بالي طل
وخود سماع هل الاهجوزة المرموقة وتذكر الماضي الرهيب

كميل كمال                        مالون مثال
بين الرجال                       صدق اللي قال
                كميل وكمال
اه يا مختار السهلة الشنيعة وزروبة بيت ناهدة
لقد افحمتني بكلامك العامودي والشاقولي ونوعية الجاذبية الخلابة
وانك قرطل الطفولة
وقطرميظ الذكريات
وشاقوف الماضي والحاضر
ودولابك مليئ المحبة والتواضع والاخلاص
وباسمي وباسم شيخ القبيلة ابو ابببببببببر الفتى العظيم ملك الليل
وباسم مرمريتا فردا فردا
شكرا لك ايها الشهم الابي
ايها الشاب المثالي وارفع تحياتي الخالصة لك ولعائلتك الكريمة
والى صهري الغالي ابو ابراهيم اختي الحنونة جورجيت الغالية
والام الحنونة الجبارة وام الرجال
والباشق الصامد في السهلة الاخ العندليب طلال
والاخت نوال واعتدال واولادها المنبثيقبن من حابا وال طنوس
وحابا حابا يا مجد طنوس ترجع المسبة على صحابا
ومشاق لاسمع اصواتكم العذبة
وامكم شوقتني لكم
اه يا شباب العلى
الداعي لكم
بالعمر الطويل
                               المغترب المخضرم
                      عاطف سليمان كرم
                                     فنزويلا

Re: بحياتك عالضيعة عود - كمال صباغ (التقييم: 1)
بواسطة alsawsan في الجمعة 08 فبراير 2008
(معلومات المستخدم )

ياريت ياريت بعودو المغتربين ياريت وكلمة ياريت ماعمرت بيت ابدا بس منضل نقول ياريت حتى لو يطلوا على القليلة يسلم تمك يا استاذ كمال صباغ

Re: بحياتك عالضيعة عود - كمال صباغ (التقييم: 1)
بواسطة habib في الجمعة 08 فبراير 2008
(معلومات المستخدم )

هذه االزجلية نظمت ارتجاليا وكنت احضر ولادتها
كان الاستاذ كمال يرندح وهو ينظم الابيات
وانا كنت اسرح في مكان اخر متسائلا عن المواهب الكثيرة مثله
وانا اتامل به حضرتني الصورة الموروثة وجو هذا البيت الفني
يسلم تمك ياكمال

Re: بحياتك عالضيعة عود - كمال صباغ (التقييم: 1)
بواسطة hani في الجمعة 08 فبراير 2008
(معلومات المستخدم )

اي والله بعد زمان
ويا ويلوا يلي ما سمع عزف الكمنجة من صابيع كمولي
مواهب عديدة
بتتزكر لمن كان عندكن مرة حفلة وتلفنلك الرحوم جمال عا الشام
ساعتين لا حسن يلقط الخط
بمساعدة طاقم المقسم
زكي وكمال و
عا العجقة جيت انتي بسرعة
ونسيت الة الكمان بالشام
خيك هاني البرازيل

Re: بحياتك عالضيعة عود - كمال صباغ (التقييم: 1)
بواسطة sadallahsad في الجمعة 08 فبراير 2008
(معلومات المستخدم )

كلمات جميله جدا أثرت فينا جميعا د سعدالله سعد فرنسا

Re: بحياتك عالضيعة عود - كمال صباغ (التقييم: 1)
بواسطة kal3aty في الجمعة 08 فبراير 2008
(معلومات المستخدم )

تسلم ديات ال كتبوا سنين كتيرة وماتعبوا

إلهم بالماضي أمجاد تاب الدهر وماتبتـــوا

تسلم إيديك ياأستاذ كمال على الكلام الجميل والملحن خلقة ربو لأنو نابع من فنان كبير متلك
بتمنى نضل نشوف كتاباتك اللي كتير نحنا بحاجة إلها

جوني الشبروني

Re: بحياتك عالضيعة عود - كمال صباغ (التقييم: 1)
بواسطة abou esber في الجمعة 15 فبراير 2008
(معلومات المستخدم )

شكر من كمال صباغ

وَصَل تَعليقكُم بَسْ اعذروني
ياأحبائي مْنْ قَبل ماتشكروني

ماقصدي كنت للمشاعِرْ هْزّها
عَنكمْ بَسْ قصدي تخبّروني

سَفَركُم بالقَلْبْ السهام غَزّها
نَزْ فتْ بيوتْ وقوافي شِعر مَوزونة

وجروحي مُستحيلْ يكفّ ْ نَزّ ْها
قَبْل ماشوفكم هَوني عيوني

العيشة هَونْ شوفوا ماألذّ ْها
جنب المعصرة وحجار طاحونة

بْكاس العرَقْ كل مزّة تمزّها
بتسوى الدّني بفَيَّات زيتونة

أنتو يامغتربين ناس بعزّها
ماعندي شَكْ فيكم ياعيوني

بَدْنا مرمريتا يعودْ عْزّ ْها
السما والأرض بكيو ع فرقتكم

متل مابِكيتْ الأمْ الحنونة

كمال صباغ