ل كل العماّل

[ايلي نعيم غطاس]

مسؤول

سمعت مرّا بمسؤول
ما نتزع من شهرا ومال
قلت للمتلي معمول
وتا نبعد عن قيل وقال
رحت ل عندو ع طول
الفرحا بحلمي قد جبال.
ع بابو أوّل نسمي
" ما بقشع للجلد لوان "
وتحت إسمو والرسمي
" ما بقشع طول الإنسان "
ومطرح ما بسجّل إسمي
" إصحا تقلّي إبن فلان "
فت ل عندو متبسّم
وقلبي دقاتو كنار...
... يا كون لْ بعدو مْجَلغم
عهر مغطا بالشحتار
.. مسؤول وطولو شبرين
بطول السجاد لْ تحتو
وين لْ متلي وهوّي وين
قبالو بتنسا اللي فرحتو.
.. تا تسلّم إيدك بتمد
أوّل صدمي رح تبلع
إيدو مهدّي بترسم حِد
أطرش أخرس ما بيسمع
... يا ناس اللي عيدا وهم
وَحْلي هالكون وغبّيط
مين الوزّع شحم ولحم
غير لْ قنعو بالتبليط
مين الدولي غير نحنا
لْ عم نتدعْوَس فجر ونجر
ولا جينا ولا رحْنا...
منبارك غلطات الدهر
شوفو الغلطا والحل
ما بينبع من المسبّي
يا بتقتل اللي بيسقي خل
يما معو بتعبي
يا بتسكت لما بْتنزَلّ
يا بتشارك باللعبي
يما بالشارع بتضل
يا بتعمل حارس علبي
يما بتطفش مع اللي فل
يا بتهيص للنكبي

[جوليا]

... يا ناس اللي عيدا وهم
وَحْلي هالكون وغبّيط
مين الوزّع شحم ولحم
غير لْ قنعو بالتبليط


ياخيّي المسؤول ال صار
الكرسي نسّيتو أصلو
كيف بدك يوقف زنهار
ويحكي معك ع مهلو


هيدي حقيقة على مر العصور ......فيقوا بقى

[شذا نهري]

يسلم هل تم يا ايلي ويا جوليا ان شاء الله العمال بيتموا على احسن حال نو بسواعدن امنبني هل وطن الحبيب ومشكورين على هل لفتة الحلوة بعيد العمال

[ايلي نعيم غطاس]

ممنون طلتكن وكلماتكن... وكلنا عمّال في حقل ما.....
ع سيرة إنّو "يفيقو" المهم اللي بيفيقو يعرفو ليش وكيف ووين... المشكلي إنّو الجهود كلا عم تروح بقشور الحياة... الحالي بتحزّن ع كتر ما في ناس ما بدّن يفيقو... كتار متل ما بينقال : ازا إجتو بزقا بيقول عم تشتّي...