Ibrahim.Y
07-05-22, 12:44 AM
شـــــــــــــــــعرِك
قالتلي..كيف شايف شَعري اليوم..؟!
شعرِك يا غلطة من سواقيكي ----- مربط حواري من صغر سنّو
بفزع يربّط نظرتي فيكي ----- و ما تعود تحكي لْحرقتي عنّو
***
و لمّا ضميرو يئن عالوردات ----- بتميّل النسمة بلا حمولة
و بتروح فوق وراق كبّايات ----- بتصب شو لاقت عا جدّولة
***
و أيّام بتحسّو بلا مراجيح ----- بيطال أعلى بلاد علياني
و أيّام بيبكّي جواد الريح ----- تا يحملو من كتف عالتاني
***
و أيام لما يجنّد الخصلات ----- حتّى خدودك يبعدا عنّي
ما في أمل إلا ورا الحلْقات ----- ذات الجرح بالوشوشة غنّي:
***
يا شعرها..يا حكاية الأقدار----- كيف الخدود حْرستها منّي؟!
و في صدر تحتك من شي ألف نهار----- صرلو بأسر البلوز مستنّي!
***
طيلق جندوك كنت يا جبّار----- ل طْيور أسرى حابسة العنّة
ان ضلّيت منحاز لخدود النّار----- و عن صدر متقاعس ..و مستغني..
توقّع إذا..جايي عابكرا نهار----- غير انت بدّو يحرّر الجنّة
إبراهيم..
قالتلي..كيف شايف شَعري اليوم..؟!
شعرِك يا غلطة من سواقيكي ----- مربط حواري من صغر سنّو
بفزع يربّط نظرتي فيكي ----- و ما تعود تحكي لْحرقتي عنّو
***
و لمّا ضميرو يئن عالوردات ----- بتميّل النسمة بلا حمولة
و بتروح فوق وراق كبّايات ----- بتصب شو لاقت عا جدّولة
***
و أيّام بتحسّو بلا مراجيح ----- بيطال أعلى بلاد علياني
و أيّام بيبكّي جواد الريح ----- تا يحملو من كتف عالتاني
***
و أيام لما يجنّد الخصلات ----- حتّى خدودك يبعدا عنّي
ما في أمل إلا ورا الحلْقات ----- ذات الجرح بالوشوشة غنّي:
***
يا شعرها..يا حكاية الأقدار----- كيف الخدود حْرستها منّي؟!
و في صدر تحتك من شي ألف نهار----- صرلو بأسر البلوز مستنّي!
***
طيلق جندوك كنت يا جبّار----- ل طْيور أسرى حابسة العنّة
ان ضلّيت منحاز لخدود النّار----- و عن صدر متقاعس ..و مستغني..
توقّع إذا..جايي عابكرا نهار----- غير انت بدّو يحرّر الجنّة
إبراهيم..