ايلي نعيم غطاس
07-06-05, 04:44 PM
سر الدني
عَ درب العين رايحا تملّي
مرحبا بِعيني زرعت دني
حِسّني راكع وبدّي صلّي
رْكابي يرجفو مدري شُ بني..
.. بهالمرحبا فيي شُ عملتي
غبّشتي الدني بشقعة سرار
والأنا لْ فيي أنا سرقتي
شفتو بعيني لحقك بمشوار
وهالمَوْ أنا اللي فيي تركتي
عَ باب بيتنا ناطرِك تزكار..
.. بلهفي شوفِك راجعا .. وجرتك جنا
إتحضّر وشيل من حيرتي سرّا
وبتاني مرحبا قولا إنا
تعرفي صوتي وتوقع الجرّا..
.. ياما بعتلّك أنا مراسيل
تقولي أنا؟!! لَه.. وشو هالحكي!!؟...
وبعرف أنا الصلا والترتيل
وكل تكّة فراق همّ وبكي...
شِفتُن بعينك غمزات الوما
لا تشهقي.. يِه..ْ نكشف أمري
ولولا شهقتِك خبتها السما
بْخدّك لون رح يفضحِك دِغري
..حلوتي دَخلِك قوليها.. بحبّك...!!
لا تهربي وتفكري خبّيْتي
عرفتو السر لْ عَ خدّك ملبّك
لون أحمر عم يقول حبّيْتي...!!!
عَ درب العين رايحا تملّي
مرحبا بِعيني زرعت دني
حِسّني راكع وبدّي صلّي
رْكابي يرجفو مدري شُ بني..
.. بهالمرحبا فيي شُ عملتي
غبّشتي الدني بشقعة سرار
والأنا لْ فيي أنا سرقتي
شفتو بعيني لحقك بمشوار
وهالمَوْ أنا اللي فيي تركتي
عَ باب بيتنا ناطرِك تزكار..
.. بلهفي شوفِك راجعا .. وجرتك جنا
إتحضّر وشيل من حيرتي سرّا
وبتاني مرحبا قولا إنا
تعرفي صوتي وتوقع الجرّا..
.. ياما بعتلّك أنا مراسيل
تقولي أنا؟!! لَه.. وشو هالحكي!!؟...
وبعرف أنا الصلا والترتيل
وكل تكّة فراق همّ وبكي...
شِفتُن بعينك غمزات الوما
لا تشهقي.. يِه..ْ نكشف أمري
ولولا شهقتِك خبتها السما
بْخدّك لون رح يفضحِك دِغري
..حلوتي دَخلِك قوليها.. بحبّك...!!
لا تهربي وتفكري خبّيْتي
عرفتو السر لْ عَ خدّك ملبّك
لون أحمر عم يقول حبّيْتي...!!!