ايلي نعيم غطاس
07-07-18, 10:13 AM
شو حلو كان
من وقت ما خْلقت يا لبنان
أنا خلقت
ومطرح ما كْتَبت حروف الزّمان
معك كنت
بالحرف
بالسيْف
بالنار
بالطّيْر
بالمركب
بالشّجر
كْتبنا سوا قصّة الغار
وسوا خربشنا القدر
وكرّ الزّمن
وكِترو المحن
.. وركبنا بمركبة الحلم
نشقع هالوقت بْإيّام
نتزكّر بين حرب وسلم
وبين الصِّدفي والأحلام
.. ولمّا قْريت بْهالأسرار
شفت الفرق كْتير كبير
بين اللي حْتَرقو بالنار
وبين الْركعو ورِضْيو النير
بين الحرف وهالة غار
وبين غْباوة عقل زغير
بين الطيْر لْ مات وطار
وبين لْ عايش تا ما يطير
وبين لْ قدرو يمضو قرار
وبين لْ عِملو زلمة مير
وغيْرن في شقعة أخبار
مخبّايي ْبعتم التعتير
مكتوبي بْكمشة شحتار
وعنوانا لبنان كبير..!!
.. بالنّاس لْ محشورا بْقلبك
شفت لْ عتم معبّا دربك
ما رح كزّب شو عم شوف
عم إحكي لإني بحبك
.. فوْقك شلعة ناس ضْيوف
جابتهن صدفي صوْبك
حَبْسوك بْلِعبة الِحروف
مشرّد عَ دراج بعلبك!
من وقت ما خْلقت يا لبنان
أنا خلقت
ومطرح ما كْتَبت حروف الزّمان
معك كنت
بالحرف
بالسيْف
بالنار
بالطّيْر
بالمركب
بالشّجر
كْتبنا سوا قصّة الغار
وسوا خربشنا القدر
وكرّ الزّمن
وكِترو المحن
.. وركبنا بمركبة الحلم
نشقع هالوقت بْإيّام
نتزكّر بين حرب وسلم
وبين الصِّدفي والأحلام
.. ولمّا قْريت بْهالأسرار
شفت الفرق كْتير كبير
بين اللي حْتَرقو بالنار
وبين الْركعو ورِضْيو النير
بين الحرف وهالة غار
وبين غْباوة عقل زغير
بين الطيْر لْ مات وطار
وبين لْ عايش تا ما يطير
وبين لْ قدرو يمضو قرار
وبين لْ عِملو زلمة مير
وغيْرن في شقعة أخبار
مخبّايي ْبعتم التعتير
مكتوبي بْكمشة شحتار
وعنوانا لبنان كبير..!!
.. بالنّاس لْ محشورا بْقلبك
شفت لْ عتم معبّا دربك
ما رح كزّب شو عم شوف
عم إحكي لإني بحبك
.. فوْقك شلعة ناس ضْيوف
جابتهن صدفي صوْبك
حَبْسوك بْلِعبة الِحروف
مشرّد عَ دراج بعلبك!