مشكلة في وصلات ال Usb

[بيلسان]

يسعد أوقاتك يا كليك سام
عندي مشكلة عويصة جدا
هالمشكلة طلعت هيك على حين غرّة
بدون سابق انذار وخارج إطار توقعاتي
وبدون سبب مفهوم :36_1_7[1]:

كل وصلات الUSB ما عادوش اشتغلو شيلي - يعني بالمرّة
بتاتا البتة :36_1_42:
وصار يطلعلي تنبيه أصفر عالتولبار جنب الساعة
انو في اجسام غريبة موصولة بال USB تبع الكمبيوتر
بس الكمبيوتر مش قادر يعرّفها
مع العلم انو كان في إشيين موصولين بالUSB وبس صارت الحادثة وقفو شغل
الويب كام متلا والفارة اللاسلكية وحتى الفلاشة ما عادش يتعرف عليها المحروس :Dai3tna7:


شو اللي صار ترى
وشو العلاج ؟؟
إحنا ناطرين الوصفات الشعبية:Dai3tna33:

[abou esber]

إشي
إشيين
ماعدوش اشتغلوا

بالفعل إشي صعب وبدو خبير كومبيوتر دولي متل كليك سام

يرضى عليك
شفلنا شو قصة هالإشي العجيب اللي عم يصير بكومبيوتر مشرفتنا البيلسانية
العزيزة




والله هالاشي بيجنن يابيلسان :icon_redface:

[Jehad]

أنا بتصير معي أحيانا للصراحة تقريبا عدد كبير من نوعيات USP يوجد بها فايروس و حتى بعد الفورمات لـUSP ما بيروح :36_1_42:
و يمكن تحتاجين الى شي برنامج حماية هيدي بدنا نشوف كليك سام بالموضوع :Dai3tna33:
انا وقت يلي بتصير معي برجع بعمل Log off و برجع بحطها بتشتغل
كمان هيدا مو حل :z06: مشان بيلسان إشيين مزبوط :Dai3tna45:

[بيلسان]

عندي توضيح بإمكانه أن يساهم في تشخيص الحالة
المستعصية :36_1_5[1]: تفضل يا مشرفنا كليك سام

هاي هيي رسالة التحذير مدري التنبيه
اللي بتفقس كل 5 ثواني جنب السيعة تحديدا عالتولبار التحتاني بالشاشة
ومزالو في إشي موصول بواحد USB هالرسالة بتضل تنط

http://88.198.45.22/pic/d/dai3tnaa/usb.jpg


ولما بكبس عليها للرسالة الصفرا اللعينة بيطلعلي شباك بنص الشاشة
والشباك هوي كالتالي



http://88.198.45.22/pic/d/dai3tnaa/usb2.jpg



الكمبيوتر صابتو هستيريا وبيضلو يحذّرني كل 5 ثواني من هالإشي اللي عم بيصير
وحتى الطابعة مش عم بقدر اوصّلها ومش عم يتعرّف عليها الأخ

يعني تقولوليش فورمات لانو مش وقتو اسا :36_1_42:
وتقولوليش أغيّر كل اليو إس بيّات اللي بالكمبيوتر
لانو عن جد عن جد مش وقتو :36_1_42:
امتحانات وأعراس :Dai3tna2:
وشوب :36_1_47:

بدكو تلاقو حل وللا شو :Dai3tna33: ؟

[Jehad]

هيك الموضوع صار واضح أكتر
نفس المشكلة يلي بتصير أحيانا معي
هيدي المشكلة على طول معك أو تظهر بعض الأحيان يا ترى ؟:q:
و برأي تجربي USP تانية أو شي برنامج انتي فايروس :Dai3tna33:

[بيلسان]

كيف يعني فيروس
شو هيي سايبة
ما قلنا مش وقتو :Dai3tna34:


المشكلة موجودة بكل اليو اس بيات
كما أسلفنا سابقن :Dai3tna43:

[clicksam]

هلا ببيلسانة المنتدى عقولة ابو اسبر ..
بالنسبة لمشكلتك يا عزيزتنا فما اكثرها على وجه هذه البسيطة..
اولا :
حاولي ان تستعيدي النظام الى وقت سابق قبل المشكلة.
ثانيا :
سأعتبر انك قمت باستعادة النظام ولم تستفيدي.
افتحي محرر السجل كالتالي:
start>run>regedit ثم ok
اذهبي الى المفتاح:
HKEY_LOCAL_MACHINE\System\CCS\Enum\USB
اذهبي الى المجلد vid_xxx الاكس يعني اي حرف ثم ابحثي في داخلها على مفاتيح لها الاسم unknown devices واحذفيها ثم اعيدي التشغيل
وجربي.
وخبريني
في الاكس بي سيرفس باك 2 تتعرف الوندوز اوتوماتيكيا على منافذ ال usb2 يكفي تعريف تشيبسيت البورد فقط.

[Zeus]

الانسة بيلسان

اول شغلة تروحي لقرص التعريف المرفق مع البي سي ( جهاز الكومبيوتر ) ومن هنالك تضعي القرص و تعملي تعريف للبورد من جديد طبعاً لازم بيكون عندك كل المنافذ مفصولة الا الكيبورد او الماوس على حد قولتك

واذا ما زبطت بعتيلي نوع المذربورد وانا جاهز أبعتلك تحديث بيشغلها طبعا هيدي مش مشكلة بس المشكلة الرئيسية عندك هي تقصير بكهرباء الكومبيوتر و البور سبلاي ما عم بيوصل 9 فولت لليو اس بي بالأساس يعني بيوصل حوالي 8.5 او 8 ولا كان الجهاز ما اشتغل معك بالمرة

تقبلي التحية وناطر ردك لأعرف شو صار معك

[clicksam]

الانسة بيلسان

اول شغلة تروحي لقرص التعريف المرفق مع البي سي ( جهاز الكومبيوتر ) ومن هنالك تضعي القرص و تعملي تعريف للبورد من جديد طبعاً لازم بيكون عندك كل المنافذ مفصولة الا الكيبورد او الماوس على حد قولتك

واذا ما زبطت بعتيلي نوع المذربورد وانا جاهز أبعتلك تحديث بيشغلها طبعا هيدي مش مشكلة بس المشكلة الرئيسية عندك هي تقصير بكهرباء الكومبيوتر و البور سبلاي ما عم بيوصل 9 فولت لليو اس بي بالأساس يعني بيوصل حوالي 8.5 او 8 ولا كان الجهاز ما اشتغل معك بالمرة

تقبلي التحية وناطر ردك لأعرف شو صار معك
شكرا لمرورك اخي وللاضافة الصحيحة والايجابية ولكن لصحة المعلومات التغذية التي يؤمنها المنفذ هي 5 فولت وليس 9 او..8,5 .

[Zeus]

انا اشكرك للتصحيح ولكن ان كان جهاز البي سي هو بينتيوم 4 فالمنفذ 9 فولت وانا واثق من ذلك كوني اعمل بهذا المجال ومتاكد كل التاكيد

ان كانت كما تقول انت فصار لازم نخلي كل الشباب يلي بيشترو بوكسات موبيلات لفك الاقفال انو يتناولوا بور سبلاي خارجي

تقبل تحيتي

وشوف البورات الجداد وخاصة ال ال جي اي

[clicksam]

انا اشكرك للتصحيح ولكن ان كان جهاز البي سي هو بينتيوم 4 فالمنفذ 9 فولت وانا واثق من ذلك كوني اعمل بهذا المجال ومتاكد كل التاكيد

ان كانت كما تقول انت فصار لازم نخلي كل الشباب يلي بيشترو بوكسات موبيلات لفك الاقفال انو يتناولوا بور سبلاي خارجي

تقبل تحيتي

وشوف البورات الجداد وخاصة ال ال جي اي

يا صديقي للاسف كلامك غير سليم وغير علمي ابدا شو الشغلة شوربا مدخل يو اس بي مهيئ ينوصل عليه اجهزة متل الفلاش ميموري بتشتغل عال 5 فولت منروح منوصلا عال 9 كانت بتفقع...
عالعموم فيك تتأكد وتجيب افو متر وتفحص الطرف الايمن والايس من مدخل اليو اس بي مع الانتباه ما يضرب التماس بالغلاف المعدني لوصلة اليو اس بي مشان ما يصير شورت وبتعمل كارثة وبتضرب المزر بورد وبدكون بقياس جهد بتصير بتغيير مزر بورد بتلاحظ انه مؤشر الافو متر بقيس 5 فولت تمام.
حتى ما نطلع عن الموضوع المطروح:
بيلسان حاولي تحذفي من ادارة الاجهزة كل اجهزة اليو اس بي الغير معروفة بعدين عيدي تشغيل الكمبيوتر وحاولي توصلي اي جهاز يو اس بي .
ومتل ما قال زيوس عيدي تعريف تشيبسيت المزر بورد واذا ما مشي الحال وافلستي واستنفذنا الفرص فرمتي الكمبيوتر (ربما شي تعارض او فايرس بيضرب الاتصال بالطرفيات)واذا استمرت المشكلة لا سمح الله وهذا نادر الحدوث بكون اليو اس بي كونترولر عاطيكي عمرو وهاد اي سي عالمزر بورد بيختلف رقمها حسب المزر بورد اذا كانت via او intel.
عالعموم ما بدنا نستبق الاحداث منحاول بكل الطرق البرمجية بعدين منحكي بالهارد وير .
بالتوفيق