احلا لحظة مرت بحياتك ....!!!

[lion1981]

شو رأيكم جميعا انو كل واحد فيكم يحكينا
أحلى لحظة مرت بحياتو و لساتو متذكرها لهلأ
وكل ما بيذكرها بتجي الضحكة
أحلى لحظة

******الموضوع حلو وللمشاركة وناطرين مشاركة الجميع *******
مع تحياتي lion1981 ****

[lion1981]

انا راح كون اول شخص بيشارك بالموضوع شو رايكون .....
احلا لحظة مرت علي وبعدني متذكرها هيي (( انا خطبة بنت خالي وبعرفها باسم رشا وعيشي معنا عطول يعني من هيي وصغيري بعرفها رشا يوم اجيت اخطبها عم نحكي ولا كلون بيحكو عن مادلين وانا مستغرب مين مادلين مابعرف وحدة بهالاسم وبعد شي ساعة حكيت خطيبتي مين مادلين وهون الصدمة طلعت هيي اسمها مادلين بس عنا بالعيلة ماحدا بيقلا باسمها هون انا صرت متل قرص البندورة الاحمر والله لايمرق عليكون هيك فصل )) .....مع تحياتي .....سامو.....

[maisa]

اول ما استلمت شغلي كانت فترة الحرب والازمه التي ادت بداخلنا الذعر والخوف .فقد ابتدعنا بمركزنا ابداعات تفوق التصور.فقد اتتنا المسؤوله بمشروع رائع لمعاونة الذين تضرروا من الحرب.
جراء ذلك فقد هتفت وفود كثيره تحيط بنفوسها المعاونه المكثفه ليعتليها نجاح العمل والتطوع لاجل الغير.
في يوم وصحفيين من دوله اجنبيه جاءا يصوران ما اجادت ايدينا من الكد ونحن نعمل. و كانت الاضواء تنير
اجوائنا واساله تتنقل من كل جنب. وبينما انهوا من عملهم معنا من وابل اسئلتهم.
اعتلوا الى حيز الاداره لياخذوا اختلاق افكارها النيره في سبيل احياء الابتسامه باعين المنكوبين.
اخذت اقلد المصورين والصحفيين امام صديقاتي وتعتلي اصواتنا الضحك والمرح ولم اعلم ان احدهم يصورني والكاميرا تعلوني بمسافات تقربني لتمثيل السرعه التي يجمعونهاونحن على جانب من عدم الاكتراث بان اولئك الضيوف لا يسمعونا.
والاغرب من ذلك ان الشاب المصور كان عربي الجنسيه وتعالت ضحكته وهو ينغمني بابداعي وتمثيلي الدقيق لهم ووعدني بارسال نسخه وبنهايتها ارسل اطول ابتسامه وضحكه.
وصلتني بالفعل النسخه وما زلت لغاية هذه اللحظه كلما رايت ذاك المشهد انهال بالضحك والابتسام.
فصلك يا سامو اهين من فصلي.

[Rammosh]

انا الفصل اللي راح قولو بموت من الضحك ..
مرة كنت معزومة ع عرس رفيقتي السنة الماضية .. وكان بعز الشتوية يعني برد مو طبيعي .. فتنا ولا لقيت البيست محطوط ع المسبح.. يعني فوق المسبح .. نقزت من المنظر بس قلت لحالي اكيد اخدين احتياطاتن مع اني شكيت .. المهم قد مارقصنا ودبكنا بشكل جنوني .. عينكن ماتشوف شو صار .. لسا باول الدبكة وع اساس انا دبيكة درجة اولى وماسكة ع الاول واذ........ بتزحطت خشبة وبوقع انا بالمي ههههههههههههههه
وبشدوني الشباب لفوق وطبعا اول ماصار الموقف كانت الدمعة بعيوني والخجل دبحني .. بس مافي 5 دقايق .. ضحكت ضحك ع منظري مابنساه بحياتي.. وقضينا بقية العرس كلو ونحن بس عم نضحك والشاطر اللي بقلي عيدا عيدا..هههههههههه يعني العالم نسيت العروس والعريس وضلت بسيرتي هههههههههههههههه
يعني بجد كل مابزكرو بضحك ع حالي وعالموقف :Dai3tna48:

[Jehad]

على هالحالة هيدي نعيما يا رموووش و انشأ الله ما بتنعاد معك أنا لو محلك ما عاد بوقف معون لأنو عنجد موقف مضحك كتير و انشأ الله ما بيصير مع حدا :icon_rolleyes: :icon_rolleyes:
:Dai3tna48: :Dai3tna60: :Dai3tna60:

[lion1981]

يا ويلي يا رموووووووش انشلا حمام الهنا آلهي بس المهم عطوكي شامبو ولا لاء شكلون بخلا ماعطوكي شامبو يلا خيرا بغيرا مرة الجاي خبرينا وراح جبلك الشامبو معي ........عم نمزح وانا بشكركون على هالمشاركات الحلوة وياريت الكل يسارك معنا ميسا الغالية انت كتير مزوئة وانا عنجد بشكرك من قلبي لانو انت من متتبعي كل جديد بالمنتدى من اول المشاركين بكل مواضيعه ....مع تحياتي وانشلا نشوف مشاركات جميع الاعضاء ....:Dai3tna50:

[شذا نهري]

يعني بشكرك من كل قلبي على هل فكرة الحلوة بس للأسف إنو أنا ما عم يخطر بالي أي حادثة طريفة وبتضحك متل الفصول يلي صارت معكن بس لأن حابة شارك بهل موضوع الحلو بحب قلكن إنو بيمر بحياتنا كلنا لحظات حلوة كتير بس مو بالضرورة اتكون مضحكة يعني مثلاً انا احلى لحظة بحياتي ولا يمكن إني إنساها أبداً لأنها محفورة بكياني ووجداني وذاكرتي مدى العمر هيِّ اللحظة يلي صرت فيها أم وشفت كنان ابني على حضني بعد الولادة مباشرةً تليها لحظة كتير رائعة وحلوة مرِّيت فيها وهيِّ لما اسمعت كنان أول مرة عم يناديلي يا ماما .........والله لايحرمكنَّ من سماع هذه الكلمة في المستقبل

[lion1981]

ياعيني عليكي يا شذا انت دائما بتختاري الكلمات والمشاركات الحلوة والله يخليلك كنان الغالي وجورج وايامكون تكون دائما مليئة بالحب والسعادة وميرسي على المشاركة الحلوة ....مع تحياتي سامووو...:Dai3tna8: