زجل فكاهي

[vevo]

زجل فكاهي
قريت هالقصيدة باحد المواقع وهي حادثة صارت مع شخص بتمنى تعجبكم


مـــرة بـلـيــلـي عـامـرة ومـنورا
بباص طلعت رح قلكن شو لي جرى

كـانـت الـكـراسي ضيقة ومكسّرة
وعــا جنب باب الباص حرمة مكدّرا

سمـينـة وبشعا شو بليدة ومسخرا
ولــي زعـجـنـي مــبــودرة ومـحـمـرا

ولـمـا نـزلـت قـلــتـلـهــا يا مقدرا
زيـحـي تـا أمـرق لـو سمحتي المعذرة

قـالت ما فيي زيح دربي مسكرة!
حـاولـت أمـرق ,, أخلص من الشوشرة !

ولـمـا مَــرَقت وقعت وقعة مشحّرا
وكـان الـسـبـب فـي وقـعتي هيدي المرا

قـلـتـلـهـا لـبـيـكـون جـسمو قد فيل
بـيـضـرب عـا قـلـبـو بـيـنـقبر يقعد ورا



منقول........

[شذا نهري]

هو ياخيي فيفو من ناحية الزجل كزجل فهو حلو ومهضوم بس من ناحية المضمون فانا أبداً ما بشاركك الرأي لأنو هل جسم اللي قد الفيل يمكن يكون عم يحمل بداخلو روح متل النسمة ..........
مع خالص حبي وتقديري

[maisa]

زجل حلو كتير .بس حرام لكل واحده سمينه ينقلها هالكلام هيدا.لانك بتقدر تقولي شو راح تبقى تعمل فيك؟
ههههههههههههههه.

[mohamad kh]

قصتك ذكرتني بهاي القصة!! طبعا هاي مو الي بس قريتها بشي منتدى ثاني وحبيت سمعكن اياها:

مرة بِنَادي كنت جوّا ملعبو = قاصد على التدريب بدّي جرّبو
إلا وصبايا مفرفحة عم يلعبوا = كانوا على التسديد عم يدّربوا
وبيناتهن في بنت لا تتعجّبوا = بوجودها نجوم السما بيتحجّبوا
للوجه يا بدر السما ما أعذبو = والقام يا غصن الندي ما أطيبو
وحدّا صرت بعيون عم بيصوّبوا = وقلتلها الداعي جمالك معجبو
خجلت وصاروا جفونها يتهدّبوا = وصاروا خدودا بالكرز يتخضّبوا
تاري أبوها شخص عالي منصبو = وفارز عناصر للبنت من مكتبو
إلا وعناصر أربعة بيرعّبو = الا أهّلوا ولا سهّلوا ولا رحّبوا
متل الشرارة شرقطوا وتكهربوا = لو شرّقوا كل البشر بيغرّبوا
ولمّا قبالي تنظـّـموا وترتـّبوا = قالت:شباب!! تفضّلوا شوفوا شوبو
هدّوا شباب تروّقوا ولا تعصّبوا = شوفوا جموع الناس كيف تسرسبوا
الداعي لبي البنت جارو وصاحبو = وعمّة ابن خالة رفيقي بتقربو
ودغري بضرب الكف صاروا يضربوا = وأكلت قتلة للجمال وموكبو
ومن يومها عاهدت عهد بموجبو = موثّق بقصر العدل بدّي أكتبو
بنت الـ أبوها منصبو كبير وقدير = تحرم عيوني صوب منها يقرّبوا