عضو جديد!! هل من مرحب

[mohamad kh]

عالعافية شباب!!
انا محمد خطيب من قرية عرابة البطوف الجليلية في فسطين المحتلة "عرب ال48"
عمري 19 ونص تقريبا!
مُخَرْبِش على جُدران الشِعر الزَجَلي!!!
********

يا مرمريتا الشعر في سِعْرو غِلي = والمنتدى بوجودنا ذِكْرو حِلي
لو تقبلوني كون عضو المنتدى = كُلِّي شَرَف رح كون ما في مِشْكِلة
****
بتمنى بإن تقبلوني عضو معكو!!!




تحياتي...... محمد خطيب
11/11/1987

[Jehad]

منور المنتدى يا غالي و هلا فيك أخ و عضو جديد بالموقع و انشأ الله تفيد و تستفيد

:Dai3tna8: :Dai3tna8: :Dai3tna8:

[روز نخلة]

أهلا وسهلا فيك يامحمد عضو جديد بتنتمي لمنتدانا ( منتدى المحبة ) وانشالله بتكون أخ بكل معنى الكلمة واهلا وسهلا بكل الاخوة من فلسطين - روز نخلة

[ساطي]

الشعر قصري وعميلمع بلاطي .. وأنت اليوم داخل عابلاطي
وبعطيك الأمان بقلب طيب .. ياطيب فوت باب القصر واطي
انحني للشعر ..غني بشعر.. شيب .. سواد الليل ..وامشي عاصراطي
احفظني مليح ..غيبني وغيب .. حديثي وقيس ببحوري الشواطي
واذا حبيب كنت ببقى حبيب .. وبعرشي الشعر حر وديمقراطي
واذا فكرت آمالي تخيب ..أنا ساطي واذا خلاقي بتطلع
السما بتنخ من ضربة سياطي

ساطي

[mohamad kh]

الى الاخ جهاد:
تحية شبابية معطرة بافل والياسمين مرسولة على جناح الحسون من بلاد فلسطين لتعناق الاخ جهاد ورده!!
تحياتي!!!!!
***
الى روز نخلة:
تحية فلسطينية مكللة بالغار معطرة بالفل والياسمين الممزوجة مع رائحة دماء الشهداء!!مرسولة مع طائر أضاع طريقه لتعانق رد الانسة روز نخلة!!
تحياتي!!!!!
***
اما إنتي يا ساطي فَ تحيتك غير شكل!!!
وبتلاقيها بمنتدى الزجل!!!!
على الرابط:http://www.dai3tna.com/vb/showthread.php?p=2555#post2555


تحياتي..... محمد خطيب

[abou esber]

أهلين أبو حميد
فيك وبالجليل وبعرب الجليل
المنتدى نوّر بوجودك

فش إشي من واجبك :Dai3tna45:

[بيلسان]

محمد

ومن عرابة

جيران يعني

تقريبا :Dai3tna48:

اهلين خيّا

فيك وبعرابة كلها :Dai3tna40:

منوّر والله بهالحكيات الحلوين


:Dai3tna56:

[ميرنا]

يمكن انا تأخرت بالترحيب والتأهيل ولكن اجيت هتئ لرحب فيك على طريقتي الخاصة

100 اهلا و 100 مرحبا فيك اخي الكريم محمد

منور منتدانا بوجوك

:Dai3tna56: :Dai3tna56: :Dai3tna56: :z047: :z047: :Dai3tna32:

[maisa]

اهلا وسهلا بابن بلدنا الغالي.وبشرفنا تكون باسرتنا الغاليه.

[mohamad kh]

منوِّر المنتدى بوجودكم يا جماعة!! عنجد خَجَّلتوني الصراحة ومش عارف كيف بدي اردلكو هالجميل!!
***
اختي ميسا!! بتقوليلي اهلين بإبن بلدنا الغالي!! يعني انتي من عرابة!!!
***
واختي بيلسان بتقولي جيران!! من وين انتي؟؟




تحياتي......محمد خطيب

[بيلسان]

حكياتك حلوين بالزجل

بس وين دقة ملاحظتك :Dai3tna44:

ما شفتش جنب اسمي على يسار الصفحة مكتوب "محل السكن"

جيران احنا طبعا .. مش ساكنين بنفس الجليل ؟

هوي جليل واحد فش غيرو

اهلين بالجار والله :Dai3tna50:

[mohamad kh]

اهلين فيكي وتشرفنا إختي بيلسان!! اهلا فيكي وبكل اهل قانا الجليل!!
وعلى جملة "أهلين بالجار والله" إتذكرت هذول البيتين للشاعرة ثناء حيدر!!
***

قالو اللي بْيِلْعَب بِالنَار = النار بْتِحْرق صَابِيعُو
رَبِّك وصَّى بْسابِع جار = الجار الثامن لا تْبيعو***



تحياتي.......محمد خطيب