قصة سندريلا ........ بس نيو (يعني حديثة)

[alloooos]

كان ياما كان في قديم الزمان فتاة اسمها سندريلا توفت والدتها عندما
كانت صغيرة . و تزوج أبوها (الرجال ما لون أمان) من امرأة شريرة لديها
فتاتان قبيحتان . كبرت سندريلا وأصبحت جميلة و ذكية و طالبة هندسة
معلوماتية ... كانت تقوم بكل أعمال البيت تنظيف, غسيل, كوي و في أحد
الأيام وصل بريد الكتروني لسندريلا وشقيقتيها من أمير البلاد لدعوتهن
إلى حفل اختيار زوجة المستقبل و على الفتيات إحضار برامج قاموا
ببرمجتها بأي لغة برمجة... عملت سندريلا ليل نهار لانجاز برنامج يعجب
الأمير و لكن في يوم الحفلة لم تدعها زوجة أبيها تذهب بل ذهبت هي و
بناتها و أخذوا معهم البرنامج . بكت سندريلا كثيرا وفجأة ظهر بيل غيتس
و أعطاها برنامج متطور جدا جدا ..

فرحت سندريلا و شكرت بيل و وعدته بان تعود قبل الساعة الثانية عشرة ..

وصلت سندريلا إلى الحفلة و انبهر الأمير بجمالها تقدمت سندريلا و أرت
الأمير برنامجها الذي حفظته على فلاشتها أعجب الأمير جدا بفلاشتها
وبرنامجها و حسنها و دلالها . لكن الساعة دقت الثانية عشرة فأسرعت
سندريلا و ركضت و أوقعت فلاشتها على الأرض و عادت للمنزل تضايق الأمير
كثيرا و أعلن أنه سيتزوج الفتاة صاحبة الفلاش . فتقدمت الكثير من
الفتيات لمحاولة إدخال كلمة السر تبع البرنامج و لكن المحاولات باءت
بالفشل و عندما حان دور سندريلا أدخلت كلمة السر بنجاح ففرح الأمير
كثيرا و تزوج سندريلا............
من أحد الإيميلات...
http://wedadf.jeeran.com/files/Untitled-1.gif
:Dai3tna8: :Dai3tna8: :Dai3tna8::Dai3tna8: :Dai3tna8:

[fareed]

مهضومة كتير هالسندريلا الالكترونية
عفاكي ألّوسي

http://img478.imageshack.us/img478/7872/222534607lo4.jpg

[tattoocafe]

شوووووووووووووووووهالحلا يا لاسوووووووووووووووووووو عراسي كل أهل وادي المجاور والله

http://wedadf.jeeran.com/files/Untitled-1.gif

[ميرنا]

يييييييي شو مهضومة هالقصة

ميرسي الوسي
اذا اليوم صارت سنديلا صاحبة فلاشة ,,,مامنعرف بعد شي 50 سنة رح تكون صاحبة شو؟؟؟
هههه

مشكوووووورة الوسي

[روز نخلة]

حلو الفكرة والقصة يا الووووس و بدل ما تبكينا بجد فرحتنا بس اكيد كانت كلمة السر ( ضيعتنا دوت كوم )

[maisa]

مهضومه كتير ولذيذه.فكره جديده للقصه ولكنها ناجحه.بتمنالك التوفيق والمزيد من هالتحف الرائعه.

[alloooos]

ما بعرف شو قلكم بس يا أما انو الشباب كلن أرمن أو مو عرفانيين انو انا اسمي الياس يعني شب ب ب ب ب ب ب ب ب ب ب ب:q: :q: :q: :q: :36_1_42:

وبس على فكرة مشكورين كتير على هالردود........

[fareed]

شب وشيخ الشباب والله بس شو بدك تعمل يا ألوس وقعت بين أيدين شلة أرمن مابيعرفو الطيخة من البطيخة

عندك مثلا فريدة
وتاتو كافيانة وميسا فلسطينيان وميرنانييين حلبيان وروز نخليتيان بالعلالي
الله يكون بعونك على هالعلقة :36_1_42:

[روز نخلة]

والله انا شايفة انو انتوا اللي ما بتعرفوا الطيخة من البطيخة السادة / ( الوووس وفريد) انت شب والنعم ماحدا دسلك على طرف ويمكن ما بتعرفوا تقرأو لاحظ جملة انا قلتها ( بدل ما تبكينا فرحتنا ولم أقل فرحتينا ) وميسا قالت( بتمنالك التوفيق ولم تقل بتمناليك التوفيق ) ماعدا الاخت ميرنا باعتقد بدون قصد قالت ( مشكورة الوووسي) يمكن ببلدهن ما بيلفظوا الاسم بالطريقة هي ، شو !!!! طلعتو انتو اللي ما بتعرفوا تقرأو ، وبجميع الأحوال ما حلوووووو أبداااااا ردكم بالطريقة هي ولا تعبيركم ولا كلامكم ، نحنا بعتقد شباب واعيين ومنكتب بمنتدى اسمه ( منتدى المحبة ) وكمان عملتو باب منفصل للإعتذار ليش شو الجريمة اللي ارتكبت ؟؟ شب وشيخ الشباب والنعم منكن ، بصراحة ماتوقعت يكون ردكن هيك انو نحنا ما بنعرف الطيخة من البطيخة أو الظاهر نحنا أرمن ما بنفهم نحي إلا هيك ولا بسمح للأسلوب هاد ، موحلوة كان منكم ابدا ابدا هذا الرد .:Dai3tna58:

[alloooos]

أرجو منحي التوبة والمغفرة و لكن ليس هذا القصد و إنما نحن في منتدى الضحك والفرفشة ............و أرجو المسامحة اذا كان هناك ما يسيء لأي كان مع خالص محبتي للجميع

[fareed]

أنا أستنكر ماقالته السيدة روز نخلتين بالعلالي ( بشدة) وخاصة جملتها الأخيرة ( موحلوة كان منكم ابدا ابدا هذا الرد ) وبالأخص عندما أرفقتها بالأيقونة التعصيبية التالية :Dai3tna58: :Dai3tna58:

إن هذه الأيقونة إن دلت على شيء فهي تدل على قمة التعصيب وفقدان التوازن الذي لم نعهده بسيدة منتديات ضيعتنا وقلبه النابض السيدة روزة ضيعتنا
لذلك أرجو منها التراجع عن هذه الأيقونة واستبدالها بأيقونة تنطلق منها القلوب بالجملة تتوزع على كافة أنحاء المنتدى كهذه الأيقونة على سبيل المثال لا الحصر
أنظري الشكل التالي :Dai3tna8: معادة :Dai3tna8:

أما بخصوص الأخ ألوووس فهو لم يخطئ بتاتاً البتة ، والذي أخطأ منذ البداية حظرتنا حيث ناداه بصيغة المؤنث على سبيل التحبب فقال له مشكورة ألوووسي
فما كان من السبحة إلا أن كرّت ( كرّ يكرّ) فأخذ على خاطر الألوس واستنكر مدافعاً عن جنسه
ومعو حق يعني
اي انا اذا حدا بيقلي مشكورة فرّودي بخرب الأرض والله

المهم والأهم في آن واحد
سلامتك من الطيخة ومن البطيخة يا ست روز
وأنت سيدة التعبير والإنشاء في هذا الوطن المعطاء
وكما يقول المثل المرمريتي صحتك بالدني ومو مستاهلة تخضي حالك كرمال شقفة فريد لا راح ولا إجا
أما المشاركة الأخرى بشأن الاعتذار فهي على سبيل التنويع والحركشة بتاتو كافيه وزميله وجاره ألوووس

عشتم وعاشت ضيعتنا مرمريتا :36_1_50[1]:

[شذا نهري]

عشتم وعاشت ردودكم الرائعة والمهضومة وست روز أبداً ما تدايقي حالك بشأن الردود يلي ابتنزل بمنتدى الضحك والفرفشة لأنها للفرفشة والحركشة والنعنشة يعني مانها بقصد الإهانة ونحنا هون متعودين على ردود فكاهية من هذا النوع ماتزعلي مدام روز
وعلى كل حال بشكرك من كل قلبي يا الياس على هل قصة الحلوة والمعاصرة لساندريلا
والله يخليك كترلنا من هل قصص المهضومة بلكي منفرفش شوي

[روز نخلة]

مثل ما انت بتعترف إنك انت كنت الأول بلفظ كلمة الوسي وهاد الباب للفرفشة صح كلامك وانا بعترف اني فعلا عصبت وزعلت لما قلت علينا هيك بجميع الأحوال يا الوووس ويافريد قال القدرة الكبيرة بتوسع الصغيرة ومادمنا وافقنا نكون بهاد المنتدى يلي هو ( منتدى المحبة ) لازم نرجع ونحب بعضنا دائما حتى لو كنا ما منعرف بعضنا ولا تستنكر انا ما بعرف غير الايقونة انت يمكن اشطر مني بالحكاية غيرها وانا موافقة بتعرف ليش .. لأن فعلا قلبي كبير كتير وما بيزعل واذا زعل لمدة لاتغرب عليه الشمس وبتشكركم كتير على الأقل على الرد والاعتذار وخلينا دايما حبايب وشكرا الكن كتير كتير.

[shadi-abomonir]

ههههههههههههههه حلوة كتيير يا الياس بيك ..........مشكووووووووووور كتيير

[pipo]

جيد يا الياس برافو ثابر والى الامام أحسنت يا بطل