Ibrahim.Y
07-02-14, 10:08 PM
إلى روح الراحل الكبير رفيق بهاء الدين الحريري........
قبل يومين عاخدود العذارى=شفت رسمك بدمعات الخسارة
الخسارة قاضية و الجرح أكبر=على الشعبين إسلام..... و نصارى
رجع لبنان عا كفّك تعمّر=تا صارت كفّك تخاوي الحجارة
ووزارة رجعت من جديد تزهر=و رح بقلّك يا عملاق الوزارة.....
بمملكة الشعر لو كنت أشعر=من اللي توارثو عرش الإمارة
و إذا بسكب المعاني كنت أمهر= و كمان بنبرتي عندي مهارة
ما بكتبلك ولا معقول إقدر=بموتك قول مرثاية لإنو
ما عندي موهبة إرثي الحضارة
باقي بعطر الذاكرة جوّال=مهما الفراق يلوح منديلو
الأبطال تا يفلّو مع الأجيال=بشخطة قلم عا وراق بيزيلو
و عالناس مهما يشمخ الخيّال=هبة هوا عالسرج بتشيلو
و حتى الملك عن كرستو ينقال=ورقة بقلب الظرف بتقيلو
و حتى رفيق من الوطن ينشال=من النار حطّولو ألف كيلو
و يوم الجنازة قال يلّي قال=قديش كان الشيخ متهني
و صفوف مشيت عالهدا و نيال=هلّي ما فرّق أسود و بنّي
و لما الصليب انحط جنب هلال=صرنا عا غفلة بعضنا نهنّي
من هيك عا قد ما جمعنا رجال=صعبة نوفّي دين شي منّة
و لا الزّهر بيكفّي ولا الأموال=بترد حق الخوف و العنّة
و لو بعد جينا نكرمك بتمثال=و نشحد سهر نحّاتنا الفنّي
شو قيمتو تمثالنا مازال=صورة حجر عن شيخنا و الشيخ
طالع يدشن متحف الجنّة
و مين بيصالح بعد الرفاق=لما بجهالة بيوتن يهدّو
و مين بعد بيحمل الترياق=لما ليالي النور يسودّو
لك يلّي بيطفّي لوعة المشتاق=و غير الشرع و الحق ما بدّو
بيفوت مع تنسيمة الأشواق=و بيختير الإحسان عا يدّو
و بيصير متل الشيخ بعد فراق=لولا عا قدّو فصّلو التابوت
صعبة ما يطلع قلب عا قدّو
يا أمير قلوبنا يا شيخ رفيق=من بعد غراب الحرب خلّص نعيق
رجعت بزند مفتول يا زين الرجال=حتى الشراع اللي انكسر شق المضيق
و لليوم أرزات الوطن فوق التلال=عم يهتفو للناس بالظرف الدقيق
هال فخخو دربك بلغم الإغتيال=اغتالو ابن لبنان ما اغتالو الرفيق
الله يرحمو...
إبراهيم ياسين
قبل يومين عاخدود العذارى=شفت رسمك بدمعات الخسارة
الخسارة قاضية و الجرح أكبر=على الشعبين إسلام..... و نصارى
رجع لبنان عا كفّك تعمّر=تا صارت كفّك تخاوي الحجارة
ووزارة رجعت من جديد تزهر=و رح بقلّك يا عملاق الوزارة.....
بمملكة الشعر لو كنت أشعر=من اللي توارثو عرش الإمارة
و إذا بسكب المعاني كنت أمهر= و كمان بنبرتي عندي مهارة
ما بكتبلك ولا معقول إقدر=بموتك قول مرثاية لإنو
ما عندي موهبة إرثي الحضارة
باقي بعطر الذاكرة جوّال=مهما الفراق يلوح منديلو
الأبطال تا يفلّو مع الأجيال=بشخطة قلم عا وراق بيزيلو
و عالناس مهما يشمخ الخيّال=هبة هوا عالسرج بتشيلو
و حتى الملك عن كرستو ينقال=ورقة بقلب الظرف بتقيلو
و حتى رفيق من الوطن ينشال=من النار حطّولو ألف كيلو
و يوم الجنازة قال يلّي قال=قديش كان الشيخ متهني
و صفوف مشيت عالهدا و نيال=هلّي ما فرّق أسود و بنّي
و لما الصليب انحط جنب هلال=صرنا عا غفلة بعضنا نهنّي
من هيك عا قد ما جمعنا رجال=صعبة نوفّي دين شي منّة
و لا الزّهر بيكفّي ولا الأموال=بترد حق الخوف و العنّة
و لو بعد جينا نكرمك بتمثال=و نشحد سهر نحّاتنا الفنّي
شو قيمتو تمثالنا مازال=صورة حجر عن شيخنا و الشيخ
طالع يدشن متحف الجنّة
و مين بيصالح بعد الرفاق=لما بجهالة بيوتن يهدّو
و مين بعد بيحمل الترياق=لما ليالي النور يسودّو
لك يلّي بيطفّي لوعة المشتاق=و غير الشرع و الحق ما بدّو
بيفوت مع تنسيمة الأشواق=و بيختير الإحسان عا يدّو
و بيصير متل الشيخ بعد فراق=لولا عا قدّو فصّلو التابوت
صعبة ما يطلع قلب عا قدّو
يا أمير قلوبنا يا شيخ رفيق=من بعد غراب الحرب خلّص نعيق
رجعت بزند مفتول يا زين الرجال=حتى الشراع اللي انكسر شق المضيق
و لليوم أرزات الوطن فوق التلال=عم يهتفو للناس بالظرف الدقيق
هال فخخو دربك بلغم الإغتيال=اغتالو ابن لبنان ما اغتالو الرفيق
الله يرحمو...
إبراهيم ياسين