زوّادة إمي إلي

[ايلي نعيم غطاس]

للي علمتني
إنو الكلمي أكبر من الكمشي
وإنو الصلا أبعد من الكلمي...
ل أمي
اللي تركتنا شوي بكّير, بس,
اللي كانت ع طول تصلي كرمالنا...
وبعدا...!!






"الله معك"

خانيا-كريت13ادار1991
إمّي.. كم يوْم عيدك بْيِرجع
يكتب سلام الكوْن بِدَيْكي
.. وطفِل غربي قاعد مصقّع
وشو لْ بيدفّي غيْر عينيْكي..
.. شارد بالماضي.. بحضنِك وجيب
بسمات إزرعا بدربي موني
ونسهر سوا والعمر شُ يْطيب
.. رعشة طفل بِإيد الحنوني..
إمّي.. بزِكْرك يوْما ورايي
بدمع عينيكي قصّة دني..
.."زوّادتك عالدّرب صلايي"..
.."لا تبكي يَمّي.. كلّن سني"..
إمّي.. عم إكتبلك من بعيد
وغصّة عمر تكرج عَ خدّي..
.. عم إسمع صلاكي إلي بْهالعيد
.."الله معَك".. لا تخافي.. حدّي!...

[روز نخلة]

لا أحلا ولا أجمل من الأم بهالدني

.. رعشة طفل بِإيد الحنوني..
إمّي.. بزِكْرك يوْما ورايي
بدمع عينيكي قصّة دني..

حلو كتير .. حلو ..

ياريت بعدك يا أمي بهدني
لكانت السما تلونت قناديل

قناديل الفرح والحب والبسمة
ياريت بعدك يا أمي بهدني

[بيلسان]

الله على هالحكي شو مؤثر
حلوين حكياتك يا ايلي
يسلم هالتم
وانشالله بينعاد عكل الامهات بالخير والصحة