أمِّـــــــي

[شذا نهري]

"أمِّـــــــــــــــــــــــــــي"

إمِّي يا إم الدني كلاَّ ...بعدو الحلا **** من حلاكِ عم ياخد حلا

وبعدو القمر سهران عَمْ يوزِّعْ نور **** من فيض نورك -يا حنوني -عَ كل هلْ مَلا

وبعدا الشمس لليوم عَمْ اتدفِّي هالدني **** لأِنَّـــا من دفى عطفِك عم تاخد دفى

وبعدا لليوم الورود في إِلها عبير **** لأِنَّــا من شذا حنانك عم اتموِّن شذا

وبعدنا طمعانين من الدنيا برضاكِ ****وبعدو القلب من عطفك وحنانك ما اكتفى

وان زعجك لساني بكلمة -يا حنوني- بقطعو****وان رف نظري فيكِ بقلع عيني بإيدي وما ابسامحا

إمِّي يا نعمة إلهيِّة من رب العباد **** وبقلوبنا جعل الباري مطرحا

عيونَّا منارة إِلِكْ تتقشعي فيَّا وقلوبنا**** حواليكِ براج علياني ما بيطالاحدا

وان لفظت اسمك -ياحنوني- بمهجعي **** كأني للعالي بِسماه عم وجِّه صلا

إمِّي ..ياروح روحي ونور عينيِّ **** إنتِ إِلي عالأرض الله بعد ربِّي البِسَّما



كل عام وأنت بمليون خير يا إميِّ ...وينعاد عليكي بالخير والصحة وراحة البال
بحــــــــــــبــك


http://www3.0zz0.com/2007/03/17/04/50819259.gif

[الشحرورة]

بهنيك يا شذا على هالمواضيع ياللي عم تكتيها بدون استثناء يللي عم تعكس لنا ذوقك ورقة احساسك انا من طرطوس ما بعرفك بس من كتاباتك بحس انك مرحة,دمك خفيف و ذوق . على فكرة انا جارتك متل مابيقولو ساكنة بفنزويلا

[شذا نهري]

أهلا بهل طلة أهلا ....................واهلا بهل عين الكحلا

لك يا يا مرحبا يا مرحبا نورك زاد الكهربـــــــا...إيه الله يسعدو للحلو كيفك يا ليلي مية أهلاوسهلا فيكي بمنتدانا منتدى المحبة والإلفة فينك تعتبري حالك بين أهلك وأصحابك ....نورتينا يا ليلي

بعدين بحب ضي شغلة إنو الهيئة نحنا جيران مو بس هون وكمان بسوريا لنو أنا أصلي من مرمريتا بس من سكان اللاذقية ...بقى الترحيب مدوبل يا عزيزتي
بتمنالك الإفادة والإستفادة معنا


http://www3.0zz0.com/2007/03/18/02/44947221.gif

[الشحرورة]

شو هيدا ياست شذا اسرع من هيك مابقا في عن بد بتجنننننننننننني وشكرا كتير لكلماتك الرائعة بس بدي افهم كلماتك الحلوين من وين بتجيبيهن

[شذا نهري]

ابجيبهن من كلماتك العسل



http://www3.0zz0.com/2007/03/18/02/85544655.gif

[الشحرورة]

حياتي شذا انا نظرتي بالناس مابتخيب ابدا فعلا ااحساسك مرهف لاني بحب كتير الورد والقطط

[شذا نهري]

والله يا عزيزتي ليلي انا استوحيتها منك هل وردة لأنو:


http://www3.0zz0.com/2007/03/18/02/86493801.gif

[الشحرورة]

مابعرف شو بدي ردلك لانه مهما كتبت كلماتي رحت تكون صغيرة قدام كلماتك هالحلوين

[جوليا]

شذا يسلم تعبيرك
تسلم عواطفك
ويخليلك أمك
وتضلّك تتحفينا بهالحلا
كل عام وكل يوم وجميع أمهات العالم بألف خير

[شذا نهري]

تسلمي جوليا والله يخليلك امك ياربولايحرم حدا من امو لأنو الأم نعمة من السما والله وهبنا ياها
شكراً لمرورك عزيزتي جوليا

[maisa]

احساس رائع بعثتيه بقلوبنا وفاح بعبيره نسائم قلبنا والعاطفه بحب الام جوده عاليه ما بيغنيها عاطفه مثلى.لو منقدر ان نهب كل امهاتنا عطاءا ما منحقق قطرة من دمعه زرفتها لتحمينا.مو بس تضحيات لانها ما بايدنا نوصف شو هيي الام لانها شجره عظيمه فيها فروع واسعه بيتدفق بداخلها الحب العطاء التضحيه الخوف علينا.شيء بسيط وما بنقدر نلاقي الكلمات يللي بتضمنا تحت اكنافها لتخلينا ثمره طيبه بارض طيبه .

[شذا نهري]

شكراً لمرورك عزيزتي ميسا والله يخليلك إمك يارب وينعاد عليها بالخير وطولة العمر يارب وما بعرف إذا إنت صرت ماما ولا لسا بس عقبال ما تصيري ماما عنقريب وينعاد عليكي بالخير والصحة إذا إنت هلأ ماما

مع كل الحب